Tunlai Khawvel

- Translated by Ltz Khiangte

Kan tunlai khawvel hi zawng a mak tawh teh e tir'u. Kan in chhawng a sang tual tual a, kan thin a tawi tual tual a. Kan kawng a zau tual tual a, kan khawthlir a tawi tual tual a. Pawisa kan nei tam tulh a, kan hlim lo tulh tulh si.

Tlawng a nih ka ring, Mizo tan chuan a nawm hmel ber mai.

Kan in a lian tial tial a, kan chhungkua a te tial tial a. Hun kan nei tlem tial tial a, mahse harsatna a tam tial tial si. Kan hriatna a pung a, kan thutlukna a atthlak tial tial a. Mi thiam kan pung zel a, harsatna a tam tial tial a nih hi. Damdawi a pung zel a, kan tha lo tial tial bawk.

Kan in tam a, kan fimkhur lo a, kan nui tlem a, kan khalh chak a, kan thinrim zung zung a, tlai takah kan mu a, chau takin kan tho a, kan chhiar tlem a, TV kan en tam em em a, kan tawngtai tlem ta.

Kan tawng tam a, kan hmangaih tlem a, kan haw ngun. Nitin khawsak dan tha zawk kan hrechhuak zel a, mahse nun ka hre lo tial tial thung. Hringnunah kum kan belh a, kumah hringnun kan belh lo.

Kan ziak tam a, kan zir tlem a, kan ruahman hnem a, mahse kan zo tlem. Hmanhmawh ka zir a, nghah kan zir lo. Kan hlawh a sang a, kan rilru a hniam si.

Thawhchhuah a tam poh leh inthenna leh innghirnghona a tam ni maiin a lang a, in a nuam a, mahse chhungkua a kehdarh si a, a pawi mange.

Tunlai khawvelah rang tak takin kan zin a, kan rinawmna paihin sum leh paia nawmsakna kan um a, zan khat thil thuah hmangaihna kan chhar zung zung a, kan paih leh mai thin. Damdawi mum hmangin reilote te kan intihlim a, kan hlimna a nih dawn chuan madang hlim loh kan pawi ti ta lo.

Mahse naktukah kan thih chuan vawiina min ruaitu sorkar emaw, company emaw hian rang takin min thlaktu tur an hmu ve leh mai ang. Kan chhungkua leh kan thian kalsante chuan an damchhungin min hre reng ang a, kan damlaiin thil ropui tak tak kan hnutchhiat a nih ngawt loh chuan kan chhungte leh kan thiante bak hian min hre reng zui dawn lo tih i hria ang u. Mihring chu kan lo piang a, reiloteah vaivutah kan kir leh mai a ni.

Taksa leh rilru nawmsak duhin nasa takin hna kan thawk a ni thei a, min hmangaihtu kan chhungte leh kan thiante hmangaih let ve i theihnghilh lo ang u.